കാത്തിരിപ്പ്

കാത്തിരിപ്പിന്റെ  നിമിഷങ്ങൾ ഓരോന്നും
ഇപ്പോൾ മരുഭൂമിയിലെ എണ്ണിയാലൊടുങ്ങാത്ത 
മണൽതരികളുടെ രൂപമെടുത്തിട്ടുണ്ട്.
ആ മണൽതരികൾ ഉണ്ടാക്കുന്ന ഘർഷണം
എന്റെ ഹൃദയത്തിൽ നീറുന്ന പോറലുകൾ വീഴ്ത്തിത്തുടങ്ങിയിരിക്കുന്നു.
രക്തത്തുള്ളികൾ പൊടിഞ്ഞു വരുന്നത് നീ കാണുന്നില്ലല്ലോ!
നിന്നോടൊത്തുള്ള ഓരോ നിമിഷങ്ങൾക്കും
ഒരായിരം സംവത്സരത്തിന്റെ ആയുസ്സുണ്ടാവണമേ
എന്ന് വ്യാമോഹിച്ചതിനാൽ,
കാത്തിരിപ്പെന്നത് എനിക്കിപ്പോൾ
മരണവേദനയേക്കാൾ അസഹ്യമായിരിക്കുന്നു.