മഷിക്കുപ്പി

എന്റെ വിരഹത്തിന് പത്തരമാറ്റാണ്. തനിതങ്കം, നൂറ്ശതമാനം പരിശുദ്ധം. അതാവണം, ഇരുട്ടിൽ കൊണ്ടുപോയി മൂടി വച്ചാലും, അതിന്റെ തെളിച്ചം ഇടക്കിടെ പുറത്ത് വരുന്നത്.

നിന്റെ കാൽപാദത്തിനടിയിൽ കിടക്കുന്ന വെറുമൊരു ചെരിപ്പാകാൻ പോലും ഒരുവേള ഞാൻ ആഗ്രഹിച്ചിരുന്നു .. അങ്ങനെയെങ്കിലും നിന്നോടൊപ്പം എനിക്ക് ഉണ്ടാകാമായിരുന്നല്ലോ. നിന്റെ കാലടികൾ ഓരോന്നും എൻ്റെ ദേഹത്തിലമരുമായിരുന്നെങ്കിലും നിന്റെ സ്പർശനം എനിക്കനുഭവിക്കാമായിരുന്നുല്ലോ. നിന്റെ ഓരോ ചവിട്ടുകളുടെയും നീ നടന്നു പോകുന്ന വഴികളിലെ ഓരോ കൂർത്ത കല്ലുകളുടെയും മുള്ളുകളുടെയും  ഇടയിൽ ആകുമായിരുന്നെനിക്ക് സ്ഥാനമെങ്കിലും അതിനെ ഞാനെന്റെ സ്വർഗമാക്കും.. രണ്ടിനുമിടയിൽ ഞാൻ ഞെരിഞ്ഞമർന്നാലും, എൻ്റെ ചുടുചോര ചീറ്റി തെറിച്ചാലും, നിന്റെ മൃദുലമായ പാദത്തിൽ ഒരു പോറലും ഏൽക്കാൻ സമ്മതിക്കാതെ, ആത്മനിർവൃതിയോടെ നിന്റെ കാൽച്ചുവട്ടിൽ ഞാനുണ്ടാകുമായിരുന്നു. അനുവദിക്കാമായിരുന്നില്ലേ എന്നെ നിന്റെ കാലിന്റെ ചുവട്ടിൽ കിടക്കുന്ന വെറുമൊരു ചെരിപ്പാവാനെങ്കിലും?

ഇന്നലെ ഉറങ്ങാൻ കിടന്നു. എനിക്കുറക്കം വന്നില്ല. ഉറക്കക്ഷീണം കണ്ണുകളെ ബാധിച്ചുമില്ല. ഉറങ്ങാനിനി വയ്യ, ഉറക്കം നടിക്കാനുമിനി വയ്യ. ചുറ്റുമുള്ളവരെ ഉണർത്താൻ നോക്കി, അവ...

കാത്തിരിപ്പിന്റെ  നിമിഷങ്ങൾ ഓരോന്നും ഇപ്പോൾ മരുഭൂമിയിലെ എണ്ണിയാലൊടുങ്ങാത്ത  മണൽതരികളുടെ രൂപമെടുത്തിട്ടുണ്ട്. ആ മണൽതരികൾ ഉണ്ടാക്കുന്ന ഘർഷണം എന്റെ ഹൃദയത്തിൽ ...